Dead on arrival sa La Castellana Health Unit ang 50-anyos nga amay matapos siya ang nabungguan sang motorsiklo sa dalan nga sakop sang Hacienda Najalinan, Barangay Robles sa banwa sang La Castellana, mga las 11:50 sang gab-i, Miyerkules, Hunyo 17.
Natumba ang nakabunggo nga Kawasaki Bajaj nga motor kag nakaangkon sang pilas ang driver sini nga ginkilala kay alyas “Gor”, 35-anyos, residente sang Brgy. Crossing Magallon sa Moises Padilla.
Nag-gwa sa imbestigasyon nga ginatulod ni alyas “John”, taga Brgy. Robles upod ang iya asawa kag minor nga bata nga lalaki ang ila tricycle nga na-aberya pakadto sa proper sang banwa.
Apang nabungguan si “John” sang motor nga nagabiyahe sa kapareho nga direksyon.
[sibwp_form id=1]