Balik presuhan sa liwat ang 26 anyos nga si Alvin Martines ukon mas kilala nga si alyas Spiderman matapos ini madakpan kaina sang kaagahon sa buybust operation sa Henrietta Village sa Barangay Singcang Airport.
136 mil pesos nga balor sang suspected shabu ang nakuha kay alyas Spiderman. Magluwas sa iligal nga droga may 38 calibre nga armas man nga nakuha sa iya.
Suno kay Major Joery Puerto, hepe sang Police Station 8, si Martines ang suspek sa madamo nga mga kinawatay sa Bacolod kag sang Disyembre lang ini naka gwa sa presohan.
Kabahin man suno sa pulis ang suspek sang Aki Cuadra group.
Detained siya karon sa Police Station 8 kag kaso nga pag lapas sa RA 9165 kag RA 10591 ang ipasaka batuk sa iya.