Digicast Negros

Alkalde naga panawagan nga indi magbilin basura sa pagbisita sa  Hermit Mountain

Binalbagan Mayor Alejandro Mirasol naga panawagan sa publiko nga indi magbilin sang basura sa sitio Hermit sa Barangay Biao.

Ginhimo sang alkalde ang panawagan kasunod sang natabo nga pag bilin sang mga plastic nga basura bisan diin lang nga area sang Sitio Hermit sa Barangay Biao sa Binalbagan.  Sa pictures nga kuha niToto Rovic Callas makita ang mga naga linapta nga plastic sa lugar.

Kahapon libo-libo ang nag dagsa sa lugar para saksihan ang matahum nga view nga gina tanyag sang lugar. Bisan sa ibabaw sang bukid nag traffic sa kadamo sang mga motorsiklo kag salakyan.

Sa pictures nga kuha ni Fritch Cantero makita nga daw may prosesyon sa kalaba sang pilahay pasaka sa Hermit Mountain.Gani naga panawagan si Mayor Mirasol sa mga turista nga indi pag ihal-id bisan diin lang ang basura para ma preserve ang katahum sang lugar.

Suno kay Mirasol nag padulong na ang katapo sang Tourism Office sa lugar. Damlag pa nag pa gwa sang warning  ang alkalde nga kun mag sige bilin basura ang mga turista mapilitan ang LGU nga indi na magpasulod pa sang mga pangayaw sa area.

Exit mobile version
Skip to toolbar