Si anay Third District congressman Albee Benitez ang nangin dinapit nga bisita sa economic consultation nga ginpatigayon sang Sabado.
Sa amo nga pagtililipon sang mga negosyante, iya ginpahayg nga iya na gina buksan ang posibilidad nga magpapili bilang alkalde sang Bacolod.
Sa economic consultation nga ginpatigayon sang negosyante nga si Vladi Gonzales sang sabado, nangin dinapit nga mga bisita sanday anay governor Rafael “Lito” Coscolluela kag anay 3rd district representative Albee Benitez.
Si Coscolluela nagsiling nga sa sini nga panahon ilabi na nga may yara sang pandemya dako ang papel sang local government sa pag tapna sa pagdamo sang kaso sang COVID-19 kag pati na sa pag siguro nga indi tuman nga ma apektuhan ang magagmay nga mga negosyo.
Si Benitez naman nag talakay kun ano ang sarang nga mahimo sang mga negosyante para maka avail sang bakuna para sa ila nga mga empleyado.
Antes matapos ang iya nga speech, ginsabat niya ang pila ka mga pagpang hangkat sa iya sa amo nga pagtililipon. Una diri ang pagpapili bilang alkalde sang Bacolod.
Suno sa iya, sa sugod wala siya sang interes diri. Para sa iya bilang kabahin sang pribado nga sektor pwede man siya makabulig. Pero sa karon, iya na nga ginbuksan ang posibilidad nga magpapili bilang alaklde sang Bacolod.