Site icon Digicast Negros

Ahente sang lending firm patay matapos makabunggo ang iya ginamaneho nga motor sa ceres bus

Naglabog ang ahente sang lending kag ang iya angkas sang makabunggo ang ila ginasakyan nga motorsiklo sa Ceres bus sa Welcome Rotonda Intersection Road sa gwa sang isa ka patyo sakop sang Barangay I-A sa banwa sang Manapla, Huwebes sang aga.

Gindala sa ospital ang driver nga si alyas “John”, 36-anyos, taga Misamis Occidental, isa ka ahente sang lending company kag ang iya backrider nga si alyas “”Adrian”.

Ginsiling ni Police Chief Master Sergeant Ivonne Berja, investigator sang Manapla PNP, sila ang ginpabalo sang manager ni alyas “John” nga nagtaliwan ang ahente sa ospital mga las 11:52 sang aga, samtang estable naman ang kondisyon ni alyas “Adrian” kag nakagwa na sa ospital.

Nagwa sa imbestigasyon nga nakaliko na ang bus pa Manapla sang nakabunggo ang motor, nga may kadasigon ang pagpadalagan padulong direksyon sang Victorias.

Suno sa imbestigador, posible nga indi sunado sang driver ang lugar bangod ini siya ang pangayaw.

“Ma settle sila. Bale kontakon pa sang ila company ang family sang napatay, taga Misamis to siya. Indi man to taga diri bi bale naga-ahente siya sa lending, nag-obra lang diri. According sa manager, pabal-on pa to nila ang pamilya kay indi man sila maka-claim in behalf to sa napatay kay bale direct immediate family gid ya dapat ang mapakig-angot sa Ceres.. Nagtabog sila pagkabunggo kay tungod dasig ila padalagan. Ila man sala kay ang Ceres ara na nakatabok na, in place na gid paliko sa Manapla. Ti sila ya kay siguro indi nila kabisado kay pangayaw sila, bisan intersection pero rekta-rekta ang ila padalagan,” suno kay Berja.

[sibwp_form id=1]
Exit mobile version