Digicast Negros

Administrative proceedings para kay Atty. Masculino magapabilin

Ang pag retiro sang anay provincial agriculturist ang indi makapauntat sang ano man nga administrative proceedings batuk sa iya gani ini sa gihapon ang iya nga dapat sabton.

Ini suno kay Provincial Legal Officer Atty Alberto Nellas, Jr. nga nagsiling nga sa tatlo ka show cause order nga ginpapanaog kay Atty Japhet Masculino antes siya mag retiro, ang una kag ika duha nga show cause order ang iya nga nasabat na.

Suno kay Nellas, gina-finalize na lang nila, kag natalana na sila nga mag-submit sa gobernador sang recommendation bahin sa una nga show cause order may kaangtanan sa isa ka milyon ka pesos nga wala mabayaran sa isa ka caterer.

Suno kay Nellas bisan pa nga ginsiling na nga bayaran ni Masculino ang isa ka milyon ka pesos, bangud kay nasandig ang pagpungko sang isa ka empleyado sang gobyerno sa ginasiling nga a public office is a public trust wala nagakadula ang ano man nga administrative liability.

Ginahulat pa ang sabat ni Masculino sa ikatlo nga showcause order angut sa wala mahuman nga mga proyekto sang Department of Agriculture sa 23 ka mga site.

Sarang sa gihapon magpadayon ang proseso para sa retirement benefits si Masculino kag tayuyon ini magluwas na lamang kun may ma-file nga kaso batuk sa iya.

Exit mobile version
Skip to toolbar