Padayon ang pagpakig-angut sang talatapan ni Governor Eugenio Jose Lacson sa talatapan ni Negros Oriental Governor Roel Degamo angut sa ila nga ginapaabot pagsapol.
Suno kay Governor Lacson, naga coordinate sa karon si Provincial Administrator Rayfrando Diaz kag ang tiglawas sang Provincial Information Office sang Negros Oriental angut sa natalana nga meeting.
Ginalauman ni Lacson nga ini matigayon sa mas madali nga panahon.
Luyag ni Lacson nga masugilanon si Degamo agudto mapat-od man ang rason sini sa iya nga pag pamatuk sa Negros Island Region.
Damlag pa, ginsiling ni Lacson nga luyag niya mahibaluan kun ano ang pwede makapa kambyo pa sang panindugan ni Degamo.
Ang tanan nga kongresista sa Negros Occidental kag Oriental ang naga suporta sa NIR. Cultural differences ang isa sa mga rason nga gintudlo ni Degamo kun ngaa indi siya pabor sa NIR.