Isa sa mga requirements sa kada may drug operation ang otoridad amo nga dapat may katapo sang media nga magaserbe bilang witness sa kaso. Ugaling masami ang media ang indi man saksi sa bilog nga operation kag ginapatawag pa sa korte kun gina patigayon na ang hearing batuk sa drug suspect.
Indi maka trabaho ang isa ka media practitioner kun may scheduled siya nga hearing. Nahangpan ni ACT-CIS Representative Erwin Tulfo nga isa man ka anay katapo sang media ang kabudlayan sang reporters kun ginapa attend sa hearing gani isa siya sa mga nagaduso nga dulaon na ini.
Isa pa gid sa ginaduso niya amo ang Magna Carta for Media Practitioners ukon dugang nga benepisyo para sa katapo sang media.
Si Tulfo nga naga papili man subong bilang senador ang gin imbitar ni Victorias City Mayor Javi Benitez nga magbisita sa Negros kag makilala ang pila ka mga mayors. Gin muno man siya ni Mayor Javi nga kun mangin mapalaron indi niya magkalipatan ang taga Negros.