Ang acceptability sang mangin permanent relocation site para sa mga apektado sang bulkan Kanlaon ang mangin isa sa basehan sang probinsya sa pagabaklon nga duta.
Ginsiling ni Provincial Administrator Rayfrando Diaz, nga may duha ka mga properties sa Brgy Talaptap sa La Castellana ang gina lantaw karon sang probinsya para mangin permanent relocation site.
Suno kay Diaz ang mga pamilya nga naga panag-iya sang duta ang willing nga mag bulig sa probinsya.
Dugang pa niya, sa iya nga pag pakig-angut sa ila, ila na natalakay nga sundon ang proseso.
Maga padala ang mga tag-iya sang letter-offer, maga respond naman ang probinsya sa pag padala sang appraisal committee para mag patuman sang valuation.
Ini ang nahuman na suno kay Diaz kag naga hulat naman siya sang lain nga report angut diri.
Pagkatapos sini kun acceptable na sa alkalde, sa mga barangay leaders kag sa internally displaced persons nga natungdan sarang na ma sugdan ang procurement process kasubong man ang iban pa nga legal process may kaangtanan diri.
Ang isa ka property ang nagalapad sang 8 hectares. Ang isa naman naga lapad sang 11 hectares kag malapit sa barangay hall kag sa eskwelahan.