Human rights lawyer ang ginbuno sang wala pa makilal-an nga mga persona sa siudad sang Iloilo kagabi.
Base sa opisyal nga pahayag sang National Union of People’s Lawyers, ginbuno sa iya ulo kag abaga si Atty. Angelo Karlo Guillen nga assistant vice president for Visayas sang ila grupo.
Isa siya sa mga abogado nga nagbulig sa mga biktima sang Sagay 9 massacre kag mga pamilya sang biktima sang ginakabig extra judicial killings sa isla sang Negros.
Isa man siya sa mga nag upod sa petition sa pagkwestyon sang constitutionality sang Anti-Terrorism Act sa Korte Suprema.
Nagpagwa man sang pahayag ang Integrated Bar of the Philippines sang opisyal nga pahayag nga nagakondenar sang ila ginakabig assassination attempt sa kay Guillen.
Nagapanawagan ang NUPL kag IBP kaupod sa iban nga mga human rights group sang madasig nga hustisya sa ginhimo nga pagbuno sa iya.