93 tanan ka mga balay ang nasunog sa San Carlos City Lunes sang udto.
Suno sa Bureau of Fire Protection -San Carlos overloaded nga octopus connection ang gintunaan sang kalayo.
Kahalitan nagdangat sa P2.6M.
Tigayon ma nga naka butang sang defense line ang Bureau of Fire Protection ugaling madasig ang pag lapta sang kalayo.
Suno kay Fire Chief Inspector Johannes Gimotea ang Fire Marshal sang San Carlos City, ang mabaskog nga hangin kag wala sang barrier sa nasunugan nga area sakop sang Greenville Bato sa Barangay Rizal, ang isa sa mga rason kun ngaa madasig ang pag lapta sang kalayo.
Dugang pa niya, ikit-ikit ang mga balay kag mga 90 porsiento ang himo sa light materials.
Ang alagyan pasulod footwalk lamang.
Sa 93 ka balay, 87 diri ang lubos nga natupok sang kalayo, kag anum ang partially damaged. 395 ka indibidual suno sa BFP ang apektado.
Base sa natipon nila nga ebedensya, electrical in nature ang gintunaan sang kalayo nga nag nagsugod 12:46 sang udto sang Lunes.
Suno kay Gimotea overloading kun sa diin ang isa ka 6-gang nga extension cord nga naka attach sa 3-gang nga extension cord ang ila ginalantaw gintuaan sang sunog.
Gikan sa balay ni Emma Cabulang suno kay Gimotea nagsugod ang kalayo.
Mga 7,400 square meters ang initial estimate ang kalaparon sang area nga nasunogan.
Sa karon may 34 ka pamilya ang yara sa Covered Court sang Brgy Rizal kun sa diin sila ang ginhatagan sang modular tents para temporaryo nga ilistaran.
May 31 naman ka apektado nga pamilya ang yara sa Qurantine Facility sa Brgy 2. Tigayon na sila nga nahatagan sang assistance sang DSWD.
“We had gathered pieces of evidence consistent to the fire being electrical in nature. Amo na ang nakita namon sa physical evidence nga medyo pugtak-pugtak ang mga wires. Then gin corroborate siya sang house owners nga naga gamit sila sang octopus connection nga shall we say pag wire sa ila nga balay. Mabudlay ang extension cord kay unstable siya”, suno kay Gimotea.
[sibwp_form id=1]