Pinaagi sa 911 ordinance ginapaabot ni Councilor Israel Salanga ang pagtukod sang Medical Emergency Response Center agud mas mapasanyug pa ang programa angut sa disaster kag emergency response, lakip na sa bahin sang peace and order .
Suno kay Dr. Ma Laarni Pornan, pamuno sang Bacolod Disaster Risk Reduction Management Office, tinutuyo man sang natukod nga ordinansa nga mapabaskog ang coordination sa tunga sang mga Emergency Response Unit, mga kabarangayan kag iban pa nga ahensya sa paghatag atensyon sa mga emergency call pinaagi sa gintalana nga 911 hotline.
Dugang pa ni Pornan nga ini man ang maga-professionalize sang DRRMO emergency medical services sa bahin sang medical, calamity, disaster kag peace and order.
Kadungan sang natukod nga ordinance ang pag-issue man sang NDRRMC kag Office of the CivilDefence sang manual for accreditation, mobilization and protection para katapo sang community disaster volunteers sang Bacolod DRRMO.