Agud nga mapahagan hagan ang pag gutok sang trapiko sa Dalan Lacson liwat nga ginaduso sang Bacolod Traffic Authority Council ang pagpatuman sang experimental one-way traffic scheme halin sa mga junction sang dalan Lacson sa sulod sang 90 days.
Suno kag Police MajorJunji Liba, administrative officer sang Bacolod Traffic Authority Office, iga submit nila ang proposal sa konseho sang siudad agud nga matigayon ang experimental traffic scheme halin sa Cottage Road asta sa 27th Lacson street nga antes sang Mandalagan Bridge.
May ginahanda man karon nga traffic scheme ang BTAO sa area sang Lacson street para sa nagahilapit nga Masskara Festival. Gani ginapaabot niya nga kun maaprobahan sang konseho mahimu masugdan ang 90 day experimental one way traffic scheme pagkatapos na sang kapistahan sa Oktubre.
Nagliligad nga tuig sang ginpatuman ang kasubong nga experimental traffic scheme sa Lacson street. Ugaling bangud man sang reklamu sang mga motorista kag sang pila ka katapo sang business sector wala in matigayon nga napatuman sa siudad.