Nagbunggu-anay ang tricycle kag motorsiklo sa bahin sang national highway sang Purok Timawa, Barangay Ma-ao sa syudad sang Bago, Negros Occidental, Lunes nga adlaw, Setyembre 1.
Bangud sini, siyam ang pilason, lakip na ang duha ka mga drivers, pasahero sang tricycle kag back-riders sang motorsiklo.
Base sa traffic investigation, gikan sa Bago proper kag padulong Barangay Ma-ao ang tricycle samtang nagabiyahe naman sa pihak nga lane ang motorsiklo.
Nag counterflow ang motorsiklo kag nakabunggo sa tricycle.
Ginamaneho sang 64 anyos nga driver ang tricycle kag may apat siya ka mga pasahero, samtang ginamaneho naman sang 25-anyos nga lalaki ang motorsiklo kag may tatlo siya ka mga angkas, lakip na ang duha ka mga menor de edad.