Siyam ka mga commercial establishments sa Barangay Mansilingan sa Bacolod ang ginsirad-an bangud wala sang business permit.
Mga kapehan, ilimnan, laundry house kag vape station ang nalakip sa siyam ka mga baligyaan nga ginsirad-an sang katapo sang City Legal Office Enforcement Team sa dalan Arceo sa Barangay Mansilingan sa Bacolod kaina sang aga.
Suno kay Ray Demisana, team leader sang enforcement team sang CLO, Setyembre pa sang na isyuhan sang final notice of closure ang mga baligyaan bangud wala sila sang mga business permit.
Sa record sang Bacolod Permits and Licensing Office may 25 tanan ka mga commercial establishment sa lugar ang ila na-issuehan sang notice of closure.
Pila diri ang naka-proseso na sang requirements apang ang iban nalakip diri ang siyam ang nagsupak sang pagsulundan sa idalom sang City Ordinance 565 ukon ang Revised Revenue Code.
Nagapadayon karon ang joint inspection nga ginapatuman sang siudad sa pagpasiguro nga lehitimo ang mga naga-operate nga negosyo sa siudad.