83 anyos nga lola patay sang mabungguan sang pick up

Naga-inulan sadtong Sabado sang gab-i sang nagtabok kag nabungguan sang pickup ang 83-anyos nga lola sa dalan Araneta, sa atubang sang isa ka gasoline station sa Barangay Sum-ag, Bacolod City.

Bangud sang impact, napatay ang pedestrian nga ginkilala kay alyas “Susana”, residente sang Fiesta Homes sa Brgy. Sum-ag.

Nagwa sa imbestigasyon nga padulong sa sur ang Ford Ranger pickup truck nga ginamaneho ni alyas “Robert”, 49-anyos, residente sang Brgy. II sa Ilog sang iya mabungguan ang tigulang.

Gindala ang pedestrian sa ospital apang gindeklarar nga dead on arrival, samtang yara sa custody sang Police Station 9 ang driver kag ang salakyan.*

[sibwp_form id=1]