Kapin 80,000 ka mga BacCHP cards target nga ipanagtag sang siudad sa madasun nga tuig.
Sa malapit 80,000 ka mga encoded applications sang Bacolod Comprehensive Health Program ukon BacCHP nagalab-ot pa lang sa masobra 28,000 ka mga beneficiaries ang natagaan sang health cards.
Gani ginmanduan na ni Mayor Albee Benitez si BacCHP coordinator Mae Cuaycong nga padasigon ang validation sang applications upod sa PhilHealth agud mapanagtag na ang otsenta mil ka mga mga BacChp family health cards sa madasun nga tuig.
Ginsiling man ni Cuaycong nga bisan wala pa sang cards sarang makabaton sang benepisyo ang mga pasyente kun na-validate na ang ila application.
Ginatun-an naman karon sang Committee on Health sang konseho nga ma-ammend ang mga pagsulundan sa idalom sang BacCHP ordinance para mapasakaan ang medical kag financial assistance sa mga beneficiaries.
Ginalauman ni Councilor Claudio Puentevella nga magasanyog pa ang health care program pinaagi man sa dugang nga P330M fund halin sa PhilHealth kabahin sang Universal Health Care Law.