Walo na sa masobra dos mil kinyentos ka mga dugang nga Covid 19 cases sa bulan sang enero ang nagtaliwan sa Bacolod.
Sa record sang Emergency Operations Center nag gwa nga ang mga napatay ang lunsay unvaccinated kag may mga co-morbidity.
Nag gwa man sa data sang EOC nga malapit lang sa beinte porsyiento sang mga dugang nga Covid 19 positive ang vaccinated.
Kalabanan sa ila ang mild kag asymptomatic cases.
Suno kay Em Ang, executive director sang EOC, ang datos ang nagapakita nga dako ang mabulig sang bakuna sa mga nalatnan sang virus.
May 88 percent na sa kapin kinyentos nubenta mil nga population sang siudad ang vaccinated.
Gani ila ginapanawagan sa may masobra 67 mil nga kabahin sang target population nga wala pa mabakunahan nga magkadto na sa mga vaccination sites agud makabaton sang Covid-19 vaccine.