235 sa karon ang na record nga dengue case sa siudad sang Bacolod sandig sa pinaka ulihi nga report nga gin-release sang City Health Office.
Ini ang humalin sang Enero tubtob Setyembre 18 sini nga tuig. Mas manubo ini sa 14.2 percent kun ipaangid sa kasubong nga tion sang 2020 nga naka record sang 274 dengue cases.
May tatlo naman nga na report napatay bangud sang dengue subong nga 2021 kag ang tatlo mga kabataan.
May walo ka mga barangay nga gina kabig ang City Health Office nga may yara sang clustering of cases ukon mga barangay nga may yara sang 3 ka dengue cases ukon sobra pa, nga na record sa sulod sang sunod sunod nga apat ka semana.
May clustering of cases sa Barangay Mansilingan, Tangub, Singcang-Airport, Estefania, Granada, Sum-ag kag Alijis.
Wala untat ang panawagan sang CHO sa pumuluyo nga mag mangin matinlo sa palibot.