Walo ang gin pamatbatan sang life imprisonment bangud sang pagbaligya sang iligal nga droga sa 8th National Judgment Day.
Apat naman ka iban pa ang napamatbatan not guilty.
Pero antes pa man ginpapanaog ni RTC Judge Raymond Joseph Javier ang pamatbat, ginhatagan ang tagsa sa ila sang pamahaw sa kinaandan sa tagsa ka National Judgment Day.
Suno kay Judge Javier kabahin man ini sa thanksgiving angut sa anniversary sang Office of the Court Administrator.
Una nga ginpamatbatan sang life imprisonment bangud sang pagbaligya sang iligal nga droga si Rodolfo Trinidad, Jr. Siya ang maga bayad man sang multa nga 500,000 pesos. Guilty man siya sa possession of
Illegal drugs kag gin pamatbatan sang 17 ka tuig nga pagkabilanggo kag multa nga 300,000 pesos kag sa kaso nga possession of drug paraphernalia, duha ka tuig nga pagkabilanggo kag 10,000 pesos nga multa.
Guilty man sa pagbaligya sang iligal nga droga kag possession of illegal drugs sanday Rolly Asumbra kag Inocentes Posadas. Life imprisonment kag multa nga nga tig isa ka milyon ka pesos ang pamatbat sa ila sa tagsa ka kaso nila.
Guilty man si Sandra Parimar sa pagbaligya kag paghupot sang iligal nga droga. Life imprisonment kag 500,000 nga multa kasubong man 17 ka tuig nga pagkabilanggo kag 300,000 nga multa ang pamatbat sa duha ka mga kaso.
Guilty man suno sa korte si Hernan de Asis sa pagbaligya kag paghupot sang iligal nga droga kag paraphernalia. Guilty man sa kasubong nga mga kaso si Andrew Sia. Si Edgar Belenio, Jr. guilty man sa pagbaligya sang iligal nga droga. Si Dennis Salazar naman guilty sa pagbaligya kag paghupot sang iligal nga droga.
Nahilway naman sa kaso nga pagbaligya kag paghupot sang iligal nga droga si Marlon Pango. Not guilty man sanday Eddie Boy Belibestre, Jude Villarmino kag Leo Casiano.