Madamo sang ido ang 76-anyos nga lolo apang wala sang may nakataghol sang nagakasunog na ang iya balay sa Purok 7, Barangay Jawa sa banwa sang Valencia, Negros Oriental ssng Martes.
Ginsiling ni Fire Officer 2 Rene Buling, arson investigator sang Valencia Bureau of Fire Protection, naubos gid sang kalayo ang balay sang biktima, nga himo sa light materials.
Nasunog man ang biktima nga naga-isahanon nga naga-istar sa iya balay.
Sa karon, under investigation pa ang sunog apang base sa inisyal nga pagpang-usisa, nagsugod ang kalayo sa bahin sang kusina.
May nabatian ang mga kaingod balay nga lupok antes nagluntad ang sunog. Ang balay sang biktima, mga 100 metros ang kalayuon sa iya mga tupad-balay.
Yara sa P16,200 ang damages sa sunog.*
[sibwp_form id=1]