Mga napatay bangud sang bagyo nga Odette sa Negros Oriental ang nagdangat na sa stentay kwatro kag kwarenta naman sa Negros Occidental.
Masobra na sa katorse mil ka indibidwal ang displaced sa karon bangud ang ila mga puluy-an ang lubos nga apektado sang paglaslas sang Bagyo Odette.
Suno sa DRRMO sang probinsya, kadam-an ang nag tiner sa mga evacuation centers sa tagsa ka mga LGU.
Nag lab-ot na sa 74 ka mga persona ang napatay bangud sang bagyo sa Negros Oriental kag 15 diri ang gikan sa Bais City, 14 sa Manjuyod kag 1 sa Mabinay.
17 sa 22 nga nagapabilin missing ang gikan man sa Bais City kag 99 tanan sa karon ang injured bangud sang bagyo.
Sa Negros Occidental, nagsaka na sa 40 ang napatay bangud sang bagyo. Ang Sipalay City ang may pinaka madamo nga may 17 casualties. 11 naman ang sa Kabankalan.
Nagapabilin naman nga 100 ang injuries kag 11 ang missing.
Padayon pa ang pagsaka sang mga numero, may mga barangay nga wala pa maka padala sang report kay wala sang komunikasyon kag indi pa maka labay sa dalan samtang naga padayon ang clearing operations.