Bitbit ang ila nga mga armas nagbalik na sa sabak sang gobyerno ang pito ka mga katapo sang New People’s Army sa Guihulngan City Negros Oriental.
Nagsungka sila sa Task Force to End Local Communist Armed Conflict kag nag pasalig nga mabalik na sa gobyerno sa Brgy Poblacion sang kahapon.
Anum ka mga lalaki kag isa ka babaye ang nagbaton na sang food packs gikan sa City Social Welfare and Development Office kag abono gikan sa Office of the City Agriculturist.
Natalana sila nga magbaton sang iban pa gid nga mga benepisyo kun mapasa na nila ang tanan nila nga mga requirements.
Yara sa seremonya si Mayor Felomino Reyes, Brigadier General Orlando Edralin, Commander sang 303rd Brigade sang Philippine Army, Lieutenant Colonel William Pesase Jr, Commanding Officer sang 62IB, Police Lieutenant Colonel Romeo Cubo, chief of police sang Guihulngan City Police Station kag iban pa gid nga mga opisyales.
Ginpasalamatan sang alkalde ang amat amat nga pag dismantle sang mga rebelde nga suno sa iya maga resulta sa kalinong kag hilway sa pagpamahog.