Kalabanan diri structural nga mga sunog nga nagdangat sa 147 kag ang kalabanan sa mga ginhalinan, electrical ignition kag kandila.
Nagdangat sa P33.4M ang balor sang halit nga gindala sang kalayo sa amo nga mga sunog.
Mas manubo ang kadamuon sang sunog sang 2025 kun ikumpara sa tuig 2024 nga naglab-ot sa 295.
Nagdangat naman sa P57.3M ang balor sang halit sang kalayo sa propiedad.
Suno sa kay F/Insp Jemarie Tapiru, Deputy City Fire Marshal sang BFP sang Bacolod, kun nagnubo gid man ang kaso ina bangud nga gina sulod na nila ang mga purok sa ila nga kampanya kontra sunog kag sang 2024 isa man sa mga factors sa pagdamo sang insidente sang sunog amo ang El Nino phenomenon kun sa diin tuman ang kainiton.
Mas manubo ang insidente sang sunog sang 2025 pero naka record naman ang BFP sang 7 tanan ka mga napatay bangud sang sunog samtang isa lang sang 2024.
Sa kadamuon naman sang nagkalasamaran, mas madamo naman sang 2025 nga may 16 samtang 14 lang sang 2024.*
[sibwp_form id=1]