Dugang nga 7.99 metric tons sang infectious waste material gikan sa Lorenzo Zayco District Hospital sa Kabankalan City ang tigayon nga na haul sang probinsya.
Sandig sa post ni Provincial Administrator Rayfrando Diaz ini ang gikan sa septic vaults, pathologic vaults kag infectious waste facility sang Lorenzo Zayco District Hospital.
Suno kay Diaz padayon ang probinsya sa safe disposal sang dinekada na nga infectious hospital waste materials.
Masunod nga facility nga iga clean up ang Don Salvador Benedicto Memorial District Hospital sa La Carlota City nga may gina bulubanta 73.41 MT sang infectious waste materials.
Sang December 2025 tubtob February 2026, 243.80 MT sang waste materials gikan sa Teresita Lopez Jalandoni Provincial Hospital sa Silay City, Cadiz District Hospital kag Lorenzo Zayco District Hospital ang tigayon man nga na dispose.
Ang clean-up drive ang gina pamunuan sang Team Pollution Control Officers.
Suno kay Diaz ini ang kabahin sang kontribusyon sang probinsya para sa matinlo nga palibot kag matinlo man nga mga ospital.*
[sibwp_form id=1]