Ginsuguran na sang City Legal Office Enforcement Unit ang pag serbe sang Notice of Violation kag temporary closure sa 61 ka mga water refilling station sa Bacolod sini lang nga hapon.
Kalabanan sa mga water refilling station napaslawan magkuha sang sanitary kag business permit.
Gani gintagaan sila tubtob October 31 para mag comply sang permit.
Suno kay City Administator Atty. Boyet Maghari, ang temporary closure kabahin sang tikang agud man mapangapinan ang pumuluyo sa kahangawa nga dala sang kumpirmado nga kaso sang cholera sa Bacolod.
Nag abiso naman ang siudad sa mga naga operate nga water refilling station nga magdugang sang supply sang gina produce nga purified water agud mapun an ang supply samtang sarado ang 61 ka mga refilling station.