Site icon Digicast Negros

61 ka mga water refilling stations ginpauntat anay sa pagbaligya sang tubig samtang wala pa maka process sang permit

YouTube player

Sa 142 ka mga water refilling stations sa Bacolod nga na inspect sang Environmental Sanitation Division sang Bacolod City Health Office 81 ang may mga permit samtang 61 naman ang wala sang business kag sanitation permit.

Suno sa kay Jasmin Santiago, Sanitation Inspector IV, ang ini nga mga water refilling stations ang temporaryo nga ginpauntat sang ila pagbaligya ang ilimnon nga tubig samtang naga process pa sila sang ila nga mga permit.

Regular ang pag inspect sang environmental sanitation division sa tanan nga mga kalan-an kag tubigan sa siudad kag sang sini gid lamang ila nga gin isa isa ang mga water refilling stations.

Paandam sang city health sa publiko nga siguraduhon nga may sanitation permit ang ginakuhaan sang ilimnon nga tubig parehos sini kag siguraduhon man nga updated.

Sini nga setyembre isa ka babaye sa bacolod ang nag positibo sa cholera. Ang cholera ang mahimo makuha nga balatian sa mahigko nga ilimnon nga tubig.

Exit mobile version
Skip to toolbar