60.37 percent sa 1.8 million nga target mabakunahan sang Negros Occidental ang nakabaton sang at least one dose sang bakuna.
Naigo man ang probinsya ni Bagyo Odette nga nag apekto man sa vaccination program ilabi na sa sur nga bahin sang negros occidental, naga pati si Dr Ernell Tumimbang nga sa gihapon malab-ot sang Negros Occidental ang target sini nga herd immunity.
May 713,829 pa ang wala nadapatan sang bisan isa ka dose sang Covid-19 vaccine base sa pinaka ulihi nga accomplishment report sang Negros Occidental.
Damlag pa ginsiling ni Governor Eugenio Jose Lacson nga sa Pebrero ang target date.
Suno kay Tumimbang kun tayuyon na man lang kag wala sang may matabo liwat kasubong sang bagyo odette, malambot ang target.
Importante man nga ma-step up ang bakuna, labi na nga may mga pungsod na kaangay sa Estados Unidos kag europa nga liwat nag timbook ang kaso.
Mahimo nga sa indi madugay matabo man ini sa mga Asian countries rason nga importante may proteksyon.