Makaduha na ka beses nga gin-deny sang Civil Service Commission ang gin-file nga motion for reconsideration sang Baciwa-PrimeWater batuk sa reinstatement order nga nagapabalik sa 59 ka mga anay empleyado sang Baciwa sa trabaho.
Nobyembre 4 sang nabaton sang katapo sang Baciwa Employees Union ang decision nga ginpirmahan ni CSC regional director Nelson Sarmiento.
May kinse dias pa nga ginhatag sa tagdumalahan sang Baciwa-PrimeWater para ma-remedyohan ang nag-gwa nga desisyon, pero nagalaum ang pamuno sang BEU nga kuntani ipatuman na lang ang mando agud nga makabalik na sila sa ubra antes sang bulan sang paskwa.
Kaina isa man ka rally sa atubang sang compound sang water utility firm ang gin-updan sang grupo kag katapo sang Amlig Tubig.
Kabahin sa nangin panawagan nila ang pagbalik sa serbisyo sang katapo sang BEU agud nga mas mangin epektibo man ang serbisyo sang PrimeWater-Baciwa sa mga konsomidor.