May kabilugan nga P240 million nga pondo sa idalom sang Presidential Assistance for Farmers and Fisherfolk ukon PAFF ang iga-distribute sa mga sugarcane farmers.
Ini suno kay Administrator Pablo Luis Azcona sang Sugar Regulatroy Administration nga nag siling sa kabilugan 102,237 ang mga sugarcane farmers nga magabaton kun sa diin, 70,415 diri ang gikan sa Visayas.
56,400 ang maga baton gikan sa Negros Island Region. Suno kay Azcona masobra sa 60 percent sang sugar produce sa pungsod ang gikan sa NIR.
Damlag pa, ginsiling ni Department of Agriculture Regional Director, Engr Jose Albert Barrogo, nga ang una nga batch sang PAFF nga nagdangat sa masobra P13.5 million para sa 5,840 ka sugarcane farmers ang ginpanagtag na sa mga benepisyaryo sa Negros Occidental sang nagligad nga semana.
Ini sila ang gikan sa Cadiz, Talisay, Silay, Victorias, Manapla, EB Magalona, Murcia kag Don Salvador Benedicto.
Ini sila ang nagbaton sang tig P2,325.
Ang release sa una nga batch sa Victorias City ang gintambungan nanday 3rd District Rep Javier Miguel Benitez, Barrogo kag Azcona.*
[sibwp_form id=1]