Nasapwan ang bangkay ni Romeo Lubrico, 51-anyos sa Sitio Esperanza Brgy. Payao banwa sang Binalbagan pasado las 7 kaina sang aga.
Suno sa kay Police Lieutenant Glen Portunes ang Deputy Chief of Police sang Binalbagan PNP, nagpadulong sa balay sang iya nga himata si Lubrico kag nag-inom.
Ginapapauli na siya sang iya nga hinablos bangud hubog na apang nagsige pa siya sa pag-inom.
Suno sa pulis, gina-alegar nagapanghalok kag nagapanghakos ang biktima kun mahubog.
Pagpauli sang biktima ginbantayan siya sang duha ka suspek kag ginbuno sang makaduha ka beses sa kilid nga nangin kabangdanan sang iya kamatayon.
Sa karon nagapadayon ang imbestigasyon sang kapulisan kag pagkilala sa mga suspetsado.