Humalin sang Enero tubtob sa bulan sang Marso may lima na ka mga persona ang nagkalamatay bangud sang rabies.
Ini suno kay Provincial Health Officer Dr Ernell Tumimbang nga nagsiling mahimo nga ang mga natungdan ang wala madapatan sang bulong ukon post exposure prophylaxis. Ang sitwasyon maka alarma suno kay Tumimbang.
Naga pati siya nga mahimo ang mga nagkalamatay, ang kabahin sa wala mabulong.
Sa record sang probinsya may 6,376 ka mga animal bites cases humalin Enero tubtob Marso. Ini nga mga kagat ang gikan sa ido, kuring kag iban pa nga kasapatan.
Pero 5,381 diri ukon 84.40 percent ang dog bites.
4,744 sa mga na kadtan ang naka kumpleto sang bulong nga gindapat, 897 ang incomplete, kag 659 ang wala nabulong.
Suno kay Tumimbang, apektado ang pagbakuna sa mga ido karon dala man sang pandemic. Ika duha mahimo nga tungod man sang sitwaston dala sang pandemic ang mga nakadtan nag pamalibad sa pag padulong sa mga health center para sa naga kaigo nga medical attention.
Gina pabaskgo man ang rabies vaccination program abiso ni Tumimbang sa mga ma kadtan nga dapat indi magkumpiansa kag mag padulong sa sentro agudto nga matatap.