Sa video nga kuha ni Alvin Aguilar makita kun paano ginlutos sang iya anak nga si Aleia Aielle Aguilar si Gabriela Vercosa sang Brazil sa ila finals match sa Abu Dhabi World Jiu-Jitsu Festival sang Nobyembre 11.
Sa edad nga lima ka tuig si Aleia ang karon ginakabig youngest Jiu jitsu world champion.
Ginpabugal ni Alvin ang kadalag an sang anak nga nagdala sang gold medal para sa Pilipinas sa Kids’ 1 Under-16KG event.
Nagpasalamat man siya sa DEFTAC HQ nga amo ang naghanas kay Aleia para sa kompetisyon.
Madamo man sa mga netizen ang nagdayaw sa kadalag an ni Aleia kabahin na diri si Senator Alan Peter Cayetano.
Ang amay ni Aleia nga si Alvin amo ang founder sang Universal Reality Combat Championship.
Ang iya iloy nga si Maybelline Masuda amo ang nahauna nga Filipina Jiu jitsu world Champion.