Lima tanan ka empleyado sang NOCHP ukon Negros Occidental Comprehensive Health Program ang nagpositibo sa COVID-19.
Suno kay Provincial Administrator Rayfrando Diaz sang Sabado may duha ka nag positibo.
Kag sa ginpatigayon nga contact tracing may tatlo ka iban pa gid nga nagpositibo man sa virus base man sa ila swab test result.
Sa lima, isa ang gindala sa Valladolid District Hospital matapos maka eksperiensya sang kabudlayan sa pag ginhawa. Ini siya sa karon ang yara naman sa maayo nga kahimtangan suno kay Diaz.
Ang tatlo yara sa mambukal kag ang isa sa Limman’s para sa ila nga quarantine. Ang nabilin nga empleyado suno kay Diaz nag negatibo naman sa virus.
Suno sa gobernador bilang kabahin sang standard operating procedure ginpatigayon na ang disinfection sa lugar.