Sa record sang Philippine Institute of Volcanology and Seismology ang una nga tectonic nga linog sa Sipalay City ang na-record 5:58 Martes sang aga kag may magnitude nga 3.5.
Ang ika duha nga tectonic nga quake ang na record 8:04 sang aga kag ini ang 4.9 magnitude. Pero suno kay Ptolemy Mañego ang Science Research Assistant sang PHIVOLCS ini ang gin-ilisan kag nangin 5.1 magnitude.
Nabatyagan ini sa siudad suno kay Mayor Gina Lizares. Iya ginsiling may pag tay-og sa city hall bisan pa sa iya nga balay.
Mga estudyante sa Sipalay City National High School ang gin pa gwa sa mga classrooms.
Sa post sang The Weekly Channel – Sipalay City National High School nakasaad nga nag-resume ang klase kag gin abisuhan ang tanan nga mag mangin mabinantayon.
Suno kay Mayor Lizares, wala sang cancellation sang klase nga natabo. Paathag niya, naanad na sila sang linog bangud man sang Negros Trench.
kasunod sang natabo nga linog SCNHS teachers photo
Sa Kabankalan City mga estudyante sa mga eskwelahan ang gin pa gwa man.
Sa post sang The KCC Chronicle naka saad nga ang mga estudyante sang Kabankalan City College ang gin-evacuate man kag gin dala sa designated open areas.
Bilang kabahin sang precautionary measure ang morning classes ang gin-dismiss samtang ang Disaster Risk Reduction Management team ang nagpatigayon sang inspection sa campus premises.
Matapos nga gin-declare safe for occupancy ang campus nag resume ang klase 1:30 pm.
Suno sa PHIVOLCS intensity 2 ang nabatyagan sa Iloilo City kag intensity 1 naman ang nabatyagan sa Bago City.
Wala sang may gin-report nga kahalitan tuga sang pag linog suno sa PHIVOLCS.
Kaina sang aga nag record man sang 2.7 magnitude nga linog sa Toboso. Kahapon may lima ka recorded nga linog sa Toboso nga naga lakip sang duha ka 3.4 magnitude nga linog.
Gin-cancel ni Mayor Richard
Jaojoco ang klase sa Toboso subong nga adlaw bilang precautionary measure.
Dugang pa ni Jaojoco tigayon na nga na validate ang mga coordinates sang sini nga mga linog.