Yara na sa 43 percent ang natapos sa nagapadayon nga construction sa Bacolod Public Plaza. Pagkatapos sini, igasaylo ang construction works sa Bacolod City Government Center grounds.
Ang ini nga mga proyekto ang ginapatuman sang Tourism Infrastructure and Enterprise Zone Authority ukon TIEZA, samtang ang City Government sang Bacolod amo ang naga-coordinate sa implementasyon sini.
Suno kay Bacolod City Engineer Loben Ceballos, yara sa ₱300 milyon ang kabug-usan nga pondo nga igasto para sa duha ka proyekto, ang Bacolod Public Plaza kag ang Bacolod City Government Center.
Gin pakita man ni Ceballos nga ang renovation sang plaza magalakip sang mga moderno nga paslidad, lakip na ang synchronized nga suga kag music nga ibutang sa apat ka quadrants sang plaza, kag ang padayon nga rehabilitasyon sang apat ka fountain sa sulod sang plaza.
Sa tion nga mahuman na ang pagpatahum sang plaza suguran naman ang rehabilitation sang BCGC grounds.*