May 40 na ka mga commercial establishment nalakip diri mga kalan-an, ilimnan, laundry shop kag iban pa ang natalupangdan wala gihapon maka secure sang business permit.
Gani gin-recommend na sang Business Permits and Licensing Office sa City Legal Office ang pagpasira sa ila. Suno kay BPLO head Stella Rayos, sa madasun nga semana magapadayon ang ila routine inspection sa iban pa nga mga commercial establishment, ilabi na sa mga boarding houses kag ilimnan nga malapit sa mga buluthuan.
Magluwas sa issuance sang notice of violation sa mga negosyo nga wala sang permit gina-usisa man sang katapo sang inspection team ang mga na-issue na nga mga business permit agud mapat-od nga wala ini ginpeke.