Lakip sa mga gin-demolish ang mga extension sang tatlo balay kag isa ka tiangge nga nagabalabag sa higad sang dalan.
Ang mga tag-iya sang amo nga mga istruktura ang nagpabilin gihapon sa amo nga lugar bisan pa nga ginpasaylo na sila sa relocation site sa Arao Relocation Site sang siudad sang nagligad nga tuig. Nahibaluan man sang CLO nga ang mga duta nga ginhatag sa ila sa relocation site ang ginhatag man nila sa ila mga pamilya.
Suno kay Levy Pangue, pamuno sang City Legal Office Enforcement Team, may pila gihapon ka mga residente ang wala maghalin sa lugar.
Ginausisa naman sang CLO ang isa ka residente nga nagasiling may ara siya sang titulo sang duta sa amo nga lugar.
Dugang sini, gindagdagan naman sang notice ang mga baligyaan nga nahamtang sa north kag south capitol road. Ini bangud may pila na sa ila ang nagpatukod man sang permanente nga mga istruktura nga ginadumili-an sang siudad.
Siling ni Pangue, pasugtan man nila ang mga nagabaligya sa lugar apang kinahanglan nga moveable ang mga ini kag indi pwede ang pagpatukod sang permanent structure.*
[sibwp_form id=1]