Sa 6 ka mga construction firm nga nag-bid para sa construction sang Bacolod City General Hospital multi purpose building, 4 lang ang ipaidalom sa evaluation sang Department of Public Works and Highways.
Duha diri ang non-compliant matapos ang opening of bid nga gin-live stream sa DPWH 6 sa ila nga Facebook page.
P193 million ang pondo nga gintalana para sa proyekto nga itukod sa Barangay Vista Alegre.
Ang A.M URETA-IBC amo ang may pinakamanubo nga bid offer sa P190.6 million. Masobra sa P191 million ang bid sang F.Gurrea Construction Inc. samtang masobra naman sa P192,256,000 ang iya ka A.G. Araja construction kag sobra sa 192,898,000 ang M.G. Salazar Construction Corp.
Ang winning bidder amo ang may lowest responsive calculated bid suno sa dpwh.
Suno kay Congressman Greg Gasataya nga amo author sang hagna para sa construction sang Bacolod City General Hospital, kapin sa 450 million pesos ang kabilugan nga pondo para sa ospital nga posible pagasugdan nga itukod sa Hulyo.