Siudad sang Cadiz ang nag-record sang apat ka dengue related deaths humalin Enero. Pinaka mataas nga dengue deaths nga na report sa mga banwa kag siudad.
Ginsiling ni Dr Amylen Moy-Garbino, ang assistant city health officer sang Cadiz nga isa ka 33 anyos nga babaye nga naga trabaho sa carinderia ang pinaka uilihi nila nga na-record nga napatay bangud sang dengue shock sadtong Setyembre 15.
Pag-abot sa emergency room naga bleeding na ini. Antes sa iya, isa ka 16 anyos nga bata nga babaye ang napatay man sa ospital bangud sang dengue sa una nga semana sang September.
Ginsiling ni Mayor Salvador Escalante, Jr nga sila ang nagsapol sang nagligad nga semana kag gina pabaskog na ang kampanya kontra dengue sa tagsa ka barangay.
Malawig nga wala maka ulan sa Cadiz suno sa iya gani wala malikawan nga may mga stagnant nga tubig nga nagserbe breeding ground sang mga lamok.
Abiso ni Dr Garbino kun may gina batyag na nga daan labi na kun paghilanat, mag pa konsulta, mag inom sang madamo nga tubig. Mas maayo man nga proteksyonan ang kaugalingon kaangay sang pag suksok sang knee socks ukon pajama sa mga kabataan. Dapat gid nga mangin matinlo sa palibot.
Ang Negros Occidental sa January 4 to September 19 nga report, nag dangat na sa 13 ang dengue related deaths. Ang Cadiz ang may pinaka madamo nga na-record – tatlo, pero wala pa diri madala nag pinaka ulihi nga kaso.
3,146 ang dengue cases nga na-report. Kun ipaanggid sa kasubong nga tion sang 2025, nubo ini sa 34.09 percent.
[sibwp_form id=1]