Nagapabilin nga indi magamit ang 3rd tubtob 5th floor sang Cadiz District Hospital matapos nga nag kalabuka ang glass sang bentana sini tuga sang linog Martes sang gabi.
Suno kay Provincial Health Officer, Dr Girlie Pinongan, sang pag linog mismo gin-evacuate ukon ginpapanaog ang tanan nga mga pasyente sa ground floor.
113 sa amo nga tion suno sa iya ang mga gin-evacuate nga pasyente.
Mga katunga sini suno sa iya ang gikan sa 3rd tubtob sa 5th floor.
Kay kinahanglan pa man nga makaayu ang nagkalaguba tungod sang pag linog, suno kay Pinongan ang mga pasyente sa karon ang ginsaylo sa katupod nga building sang main nga building.
Ini sadto ang nagserbe nga covid facility.
Indi pa man mapat-od kun ano kalawig kag makaayo ang ang mga nagkalaguba.
Wala naman sang may gin-report nga kahalitan sa iban nga mga ospital sang probinsya, magluwas lamang sa mga minor nga cracks kag safe naman nga mabalikan sang mga pasyento suno kay Pinongan.
[sibwp_form id=1]