Masobra sa 3,400 ka mga kasapatan, kalabanan mga manok ang nagkalamatay tuga sang epekto sang paglupok sang bulkan Kanlaon.
Padayon ang Veterinary Medical Mission sang Office of the Provincial Veterinarian para mabuligan ang mga naga malasakit nga kasapatan.
Bulong, bitamina kag feeds ang nalakip sa mga ginapanagtag.
Duha ka semana matapos nga naglupok ang bulkan nagsugod batyag sang respiratory illness tuga man sang ash fall ang mga kasapatan suno kay Dr Ryan Janoya ang OIC sang OPV.
Sa report sang Office of the Provincial Agriculturist as of June 19, 3,421 ka mga kasapatan sa Bago City kag La Carlota City ang nagkalamatay bilang epekto sang paglupok sang bulkan, kag wala pa nalakip diri ang nahalitan nga kasapatan sa La Castellana.
3,210 diri ang poultry kag ang nabilin nga nagakalamatay mga baboy, baka, carabao kag kanding. May mga paglupot man nga na-record.
Ang mga kasapatan nga nabayaan sa 4km permanent danger zone may mga paso tuga sang debris gikan sa bulkan.
Ang kahalitan nagabalor sang 374,200 pesos.