Sa 650 mil ka doses sang AstraZeneca vaccines nga gin advance purchase sang Leonardia administration pinaagi man sa multi lateral agreement, 213 mil lang ang nag abot kag napangbakuna.
Suno kay Dr. Edwin Miraflor, nga anay OIC sang City Health Office, kapin 334 mil diri ang nag expire sa cold storage facility sang Department of Health cental office.
Ang nabilin nga kapin shien mil ka doses ang manug expire naman sa sini nga Hulyo kag Agosto.
Enero 2021 sang nagpain ang siudad sang P300 milyones pesos para sa supply sang bakuna pinaagi sa multi lateral agreement upod sa National Task Force Against Covid 19, DOH kag AstraZeneca Pharmaceutical Phils. Incorporated.
Indi pa mapat ud ni Miraflor kun ano ang matabo sa nag expire nga mga bakuna kag kun sin o ang magabayad sini bangud man sang confidentiality agreement.
Pero ginpahayag niya nga payment upon delivery ang nakasugtan sa pagbakal sang bakuna.
Antes matapos ang bulan sang Hulyo ginapaabot ang delivery sang 20 mil ka doses sang Astrazeneca vaccines. Kabahin ini sang pagpanghanda para sa pagbalik sang face to face classes kun diin ginapaabot man nga madamo sa mga estudyante ang magapabakuna agud mapangapinan sila kontra Covid 19.