Masobra sa 3,000 ka mga senior citizen sa Negros Occidental ang gin delist sang Department of Social Welfare and Development 6 gikan sa Social Pension Program.
Suno sa DSWD 6, 13,468 ka mga senior citizen sa bilog nga Western Visayas ang gin delist nila ukon ginkakas sa listahan sang Social Pension Program.
1,327 sa sining masobra sa 13,000 ka mga elderly beneficiaries ang natukiban nga may yara sang mga pension gikan sa SSS kag GSIS.
880 naman ang naga baton sang honorarium, 331 ang naga baton sang regular nga support gikan sa ila nga mga pamilya kag ang nabilin naman ang mga nagkalamatay na ukon nagsaylo ilistaran kag indi na ma locate.
Sa Negros Occidental 3,282 ang na delist.
Naga sunod ang probinsya sa Iloilo nga amo ang may pinaka madamo na na delist – 5,324.
Suno kay Attty Carmelo Nochete, ang DSWD Regional, sila ang padayon nga nga revalidate sang listahan.
Madamo sang elderly nga wala sang pension kag wala man sang pamilya na nagasupora sa ila kag ini sila ang priority.
Klaro sang DSWD ang mga yadtong naga baton nga nga daan sang pension bisan pa magamay ang kantidad ang indi na pwede makabaton sang social pension bangud ini ang nakasaad sa pagsulundan.