32 percent sang katubuhan sa isla sang Negros ang gin-report apektdo sang RSSI. Sa sitwasyon sang infestation ini ang isa ka seryoso nga bagay suno sa SRA. Probinsya ang maga pabilin sa state of calamity angut diri.
Tigayon nga nagsapol ang UNIFED, SRA, Sangguniang Panlalawigan sang Negros Occidental kag Governor Eugenio Jose Lacson para italakay ang pag pang-atake sang RSSI sa katubuhan.
Sa 76,607 ka ektariya sang katubuhan nga gin-report na apektuhan sang RSSI sa isla, 13,797 hectares diri ang na validate na sang SRA.
12,332 hectares naman sa 13,797 nga area nga na validate na ang gikan sa Negros Occidental. Kun indi matapna ukon makapatuman sang gilayon nga tikang para mapunggan ang kahalitan suno kay SRA Administrator Pablo Luis Azcona, daku ang gina lantaw nga mangin epekto sini sa national sugar production.
Paathag niya kun mag nubo ang sugar production sang Negros sa 30 percent, equivalent ini sa 19 percent man nga drop sa national production labi na nga 64 percent sang national production ang gikan sa Negros.
17.5 billion pesos ang gina lantaw losses ukon lost opportunity sa 30 percent nga drop sang sugar production sa Negros bangud sang RSSI.
Ginsiling ni Governor Lacson nga bukas siya nga mag pakigsapol kay Governor Manuel Sagarbarria sang Negros Oriental kun kinahanglan para sa problema sa RSSI.
Sang 2025 napaidalom sa state of calamity ang probinsya bangud sang RSSI upod na sa pag igo sang bagyo. Suno kay Lacson iklaro niya sa Provincial Legal kun sarang ini nga magpabilin ukon dapat nga mag declare liwat.
Sa pihak nga bahin may P206.4 million nga napagwa ang SRA kag SIDA para sa RSSI humalin sang 2025.
P177.5 million ang gikan sa SRA kag P28.9 million diri ang gikan naman sa SIDA.
Ini ang gingamit sa pesticide, insecticide, fertilizer kag equipment para sa mga pesticide.
[sibwp_form id=1]