Ginsiling ni Retired Police Colonel Levy Pangue, pamuno sang CLO enforcement team, may 30 ka mga balay kag baligyaan ang ginhatagan sang two-week notice agud boluntaryo nga kakason ang mga bahin sang ila istruktura nga nagabalabag sa kilid sang dalan.
Sa 30 nga ginpanaugan sang notice, 15 lamang ang boluntaryo nga nagpangguba sang ila istruktura samtang ang 15 naman ang ginpangpalos na mismo sang CLO sini nga aga.
Dugang ni Pangue, 90 porsyento na ang tigayun nga na clear kaina.
May duha pa ka mga tiangge ang nag-ayo nga sila na mismo maghimos sang ila pagkabutang nga gilayon naman ginhatagan konsiderasyon sang CLO.
Magabalik ang CLO sa amo nga lugar buwas nga adlaw agud siguradohon nga totally cleared na ang dalan.
May ipatukod nga drainage project ang Department of Public Works and Higways sa amo nga lugar, rason nga siling ni Pangue kinahanlan nga mahawanan na ini.
Madumduman nga ginsiling ni Mayor Greg Gasataya nga posible nga magapangatubang sang administrative sanction ang mga punong barangay kun magbinalik ang mga obstruction nga gin-clear na sang siudad.*
[sibwp_form id=1]