May tatlo pa gid ka mga spinner dolphins ang nasapwan nga patay sa mangrove area sa Barangay Manipis, Tanjay City sa Negros Oriental sang weekend.
Yara na sa advanced stage of decomposition ang dolphins sang masapwan suno sa mga barangay officials.
Sang nagligad nga weekend may lima tanan ka mga patay nga dolphin ang nasapwan sa Bais City kag may isa pa gid sa Dumaguete sang nagligad nga semana gani subong nagdangat na sa siyam tanan ka dolphins ang nagkalamatay sa Negros Oriental sa sulod sang halos isa ka semana.
Sa statement nga ginpagwa ni Bais City Mayor Luigi Goni ang necropsy result nagapakita nga may multiple lung lacerations ang tatlo sa apat ka mga dolphins.
Ang injuries ang tuga sang mabaskog nga underwater pressure ukon magahod nga underwater explosions by blast trauma.
Ang cause of death sang dolphin amo ang pagkalumos secondary sa trauma sa lungs suno sa alkalde.
Ginapadalman na karon sang otoridad sa Negros Oriental ang ini nga mga insidente.