Nakit-an sang mga managagat Hwebes sang aga ang tatlo ka mga pawikan nga na-trap sa tangkop sa higad sang baybay nga sakup sang Barangay Taba-ao, Sagay City.
Ang tangkop, isa ka pamaagi sa pagpangisda, gamit ang si-od nga himo sa kawayan.
Sa bulig sang tag-iya sang tangkop, mga tanod, purok kag barangay officials, isa-isa nga ginbalik ang tatlo ka mga pawikan sa baybay.
Bangud sa kadakuon sang isa ka pawikan, lima ka tawo ang nagtuwang diri pakadto sa dagat.
Suno sa mga residente, indi ini ang una nga tion nga may nasampay nga mga pawikan sa ila lugar.*