Ang dialysis center sa sulod sang City Health Office compound nga ginpondohan sang 20 milyones pesos ang isa lang sa tatlo ka mga proyekto nga tubtob karon wala pa natapos.
Suno kay Councilor Claudio Puentevella ang construction sang dialysis center ang nasugdan sa idalom sang administration sang iya amay nga si anay mayor Monico Puentevella. Pero ginpauntat ini sang Leonardia administration.
Suno kay Councilor Thaddy Sayson may yara man duha ka mga infrastructure project nga gingastuhan man sang siudad nga tubtob karon nagapabilin nga white elephant ukon wala pa magamit kag napuslan sang pumuluyo ini amo ang Youth Home sa Vista Alegre kag Rehab Center sa Alijis.
Luyag ni Sayson nga ini tanan ang mausisa sang City Engineers Office kag natungdan nga mga ahensya agud mapat-ud ang mga tikang para matigayon nga mapadayon ang construction sang mga napa-untat nga proyekto.