Patay ang tatlo ka mga pasahero sang van samtang 15 ka iban pa ang napilasan matapos mabungguan sang cargo truck ang ila nga van Biyernes sang gab-i sa highway sang Jimalalud, Negros Oriental.
Sa report sang PNP, padulong Don Salvador Benedicto ang van nga may karga nga 25 ka pasahero sang ini ang mabungguan sang nagasugata nga truck sa kurbada nga bahin sang dalan.
Ang mga napatay ang ginklala nga sanday Erodetha kag Roel Gacang, kag Eliza Pontillano nga lunsay naga edad masobra 60 anyos.
Suno sa traffic investigator nga si Staff Sargeant Joey Patoc, naglapaw sa iya nga lane ang truck kag posible naka inom ang driver.
Detained na karon ang driver sang truck kag ginpasakaan naman ini sang nagkalain lain nga kaso.